romio مشرفة قسم
عدد المساهمات : 48 تاريخ التسجيل : 08/02/2010 العمر : 32
| موضوع: مـــــتــــــوهــــــمـــــش نـــــــفـــــــســــــــــك ... الأربعاء فبراير 10, 2010 10:04 am | |
| [size=16]بسم الله الرحمن الرحيم
مش معنى انك انسان عاقل وذكى ولو حتى عندك ذكاء خارق تبقى انت الصح دايما او تبقى عارف كل حاجه
لا طبعا .. مفيش انسان كامل وصح فى كل حاجة بيقولها او بيعملها
ولازم لما تغلط تعترف بغلطك
ولما تبقى صح متتغرش وتقول انا صح اهو ويكون معنى كلامك انا الكبير يا ناس والكلام العبيط ده
وفى زمننا ده نادر جدا لما واحد يغلط ويعترف بغلطه انا مش هقول ان ده مرض مثلا او حاجه .. مع ان فى ناس كتير بتعتبره مرض
بس جايز تكون انت عايش فى وهم .. او غرورك بيقولك لا اوعى تعترف بغلطك انت الكبير انت الصح دايما
طبعا تفكيرك ده غلط خالص .. وانا مش بتفلسف دى حاجات اتعلمتها من ناس كبيرة وفاهمة الدنيا كويس وشوفتهم لما بيغلطوا بيعترفوا بغلطهم ويقولوا انا غلطت ويتاسفوا كمان
ولما يبقوا صح يبقوا هاديين متواضعين وميتغروش على حد
وشكلك بيبقى وحش اوى ادام اى حد لما تكون انت غلط وقاعد تكابر وخايف تطلع نفسك غلطان ادام الناس
هيحصل ايه يعنى لما تغلط ؟ مفيش انسان طبعا معصوم من الخطأ
وحتى لو خايف على شكلك وبريستيجك ادام الناس لما تعترف بخطاك
لا .. صدقنى لما تغلط وتعترف بغلطك ده الناس هتحترمك وتقدرك اكتر
انما لو كابرت والناس كلها عارفه انك غلطان .. مفيش حد فيهم هيحترمك بعد كده ولا هيسمع اى كلام انت بتقوله حتى لو اتكلمت صح بعد كده
يا ريت كل واحد لما يغلط يعترف بغلطه
هقولكم مثال بسيط
مثلا الحكومة المصرية بتاعتنا دى بتغلط كتير اوى والناس كلها عارفة وشاهدة على كده
انت عمرك شوفت مسئول حكومى بيقول انا غلطت وانا اسف ومش هعمل كده تانى ؟
للاسف تقريبا مفيش الا نادر جدا .. وعلشان كده الناس مش بتحترمها ولا بتحبها
واى حد بيجيب فى سيرة الحكومة غالبا مش بالكويس
لازم اى حد شايف نفسه مش بيغلط خالص وكبير دايما فى كل مواقفه وكلامه .. يفوق نفسه من الوهم اللى عايش فيه ده
متوهمش نفسك انك الصح دايما
ومفيش داعى ابدا للغرور
نايس توبيك [ندعوك للتسجيل في المنتدى أو التعريف بنفسك لمعاينة هذه الصورة]
ايه رأيكم بقى فى كلامى ده
و يا ترى انتوا شايفين ان انا بتكلم صح ولا غلط ؟
[/size] | |
|
زعيمة الاهلاوية *§·!¦[♥منشأة المنتدى♥المديرة العامة♥]¦!.§*
عدد المساهمات : 1411 تاريخ التسجيل : 25/12/2009 العمر : 31 المزاج : رايقة
| موضوع: رد: مـــــتــــــوهــــــمـــــش نـــــــفـــــــســــــــــك ... الأربعاء فبراير 10, 2010 10:53 am | |
| شكرااااااااااااا للموضوع الجامد ده لاتعليق لنروح فيها ههههههههههههه | |
|