كبرياء الحب ( رواية بقلمي ) 18 سنة و فوق

[center][size=18][color=cyan]بيت بومايد: 1 _ الاب حسن تاجر معروف و اسس تجارته من ورث ابوه الكبير.. كبير العيلة من بعد ابوه ..طيب بس صارم في قراراته عمره 50
2_ الام عايشة حبوبة و طيبة و قلبها حنون عمرها 45
3_مايد.. الابن الآكبر عمره 25 سار يدرس طب مدة 7 سنين في أمريكا .. وسيم جدا جدا ..
4_ حمد الابن الثاني عمره 22 فرفوش و شبابي و حليو
5_ ريم عمرها 18 ثانوية عامة علمي.. فنتوكة و حبوبة و وايد حلوة
6_ راشد 16 عصبي شوي بس قلبه طيب .. يحب يعيش دور الاخ الاكبر لعهود و يامر عليها
7_عهود..15سنة حبوبة و تحب الوناسة و لها حركات مينونة و متهورة
.................................................. .................................................. ..................
بيت بو فهد
1_ بو فهد: عمره46... على نياته.. انسان حاله حال نفسه .. قلبه واايد طيب .. نسيب بومايد ( متزوج اخت بومايد)
2_ العمة نورة : عمرها 40 ..
3_ فهد.. الابن العود لهم .. عمره 23خاطب بنت بومايد ( ريم ) رومانسي وايد و طيب
4_ عنود.. 16 سنة
5_ صقر عمره 6 سنين .. مشاكس و دمه خفيف
.................................................. ..............................................
و أخيرا بيت ابو ليال
بوليال.. محمد عمره 38 سنة حنون وايد و طيب و عنده اهم شي عيلته ( أصغر أخوانه .. بومايد و بوليال و نورة )
ام ليال.. افتكار عمرها 34 سنة طيوبة و حنونة
الجدة : ام افتكار .. سورية ( ابو افتكار تزوجها عن حب ) تحب حفيداتها بشكل كبير و خاصة ليال لانه تشبهها في عيونها و تصرفاتها و هي شابة
ليال : بطلة قصتنا عمرها 18 ثانوية عامة علمي توأم روح ريم .. انسانة غاية في الروعة في اخلاقها و جمالها .. خجولة و قلبها ابيض و غاية في الجمال .. دلوعة يدتها .. و ماخذة لون عيون يدتها
جنى : عمرها 4 سنين .. رقيقة و هادية و تشبه ابوها و تحب اختها ليال وايد
.................................................. ..........................
عبدالله: عمره 24 سنة خطيب ليال .. يحبها حتى الموت و تحبه .. انسان وسيم و طيب و كريم .. و رومانسي لآخر درجة









ع الغدة .. في بيت بو مايد كلهم متجمعين .. اخوه محمد و هله و اخته و عيلتها.. يعني الاهل كلهم ..
بو مايد : حياكم ..تفضلوا
محمد: الله يحييك يا خوي
الكل يسولف ع الغدة و يضحك .. و بعد الغدة يلسوا يشربون جاي ..
ام مايد: ها .. شو يا افتكار .. خلصتوا تجهيزات عرس ليال و لا بعدكم ؟ باجي شهرين ع العرس و اسبوع ع الملجة
افتكار: هيه تقريبا.. باجي جم شغله و خلاص ..
ام مايد: انزين و كوشة الملجة ؟ بعدكم ما اخترتوها؟
افتكار: هيه و الله ..زين ذكرتيني .. ليال يما متى بتسيرين تشوفينها ترى باجي اسبوع على ملجتج.
ليال : اليوم يما ع المغرب بياخذني ابوي ويا ريم و بنختارها.. يما ليش ما تيين و تشوفينها؟
افتكار : لا يما نسيتي انه يدتج بتوصل باجر من سوريا ؟ و اليوم بسير بتشرى جم غرض حقها ..
العمة نورة: خلاص عيل بطلع وياج .. انا بعد بتشرى اغراض حق البيت ..
افتكار: خلاص انزين تعالي انتي بعد يا عايشة ويانا
ام مايد: انزين بناشد بو مايد و بجوف.
.................................................. ..........................................
عهود كانت يالسة ف حجرتها ويا عنود ..
عهود: عنود عنود تعالي..
عنود: اشفيج؟
عهود: اخوي مايد دخل ع المسن
عنود: انزين شو يعني؟
عهود: من زمان ما دخل .. و الله ولهت عليه واااايد
في المحادثة ..
مايد: هلااااااااااااا
عهود: اهليين .. اشحالك؟
مايد:حمدلله يسرج حالي و انتي؟
عهود: بخير دامك بخير
مايد اشحال ابوي و امي و اخواني؟
عهود: كلللهم بخير و مشتاقينلك
مايد: و الله انا بعد وايد اشتقتلكم.. بكمل سنة الحين من اخر مرة شفتكم فيها
عهود: تعال .. انت شو اللي مدخلك المسن ؟ شو ما عندك دراسة؟
مايد: هالشهر كله بروجكتات و برزنتات لازم نخلصها .. و الشهر الياي امتحانات نهائية .. و بعدين .. اخيرا بتخرج و بستوي دكتور ان شالله..
عهود: ان شالله .. الله يردك بالسلامة .. و الله ولهنا عليك.
مايد: يالله هانت كلها شهرين ان شالله و أيي.
عهود: يعني بتحضر عرس ليال ان شالله؟
مايد: ليال بتعرس بعد شهرين؟؟
عهود: هيه و بعد اسبوع ملجتها
مايد: ما شالله على قولة امها صايرة صبية..
عهود: هيه و احلى الصبايا بعد ..
مايد: و الله من زمااان ما جفتها هي و خالتي افتكار .. كل ما ايي دبي ازوركم تسافر هي و خالتي سوريا تشوف يدتها
عهود: تقريبا ست سنوات صح؟
مايد : هذي سادس سنة .. و الله دراسة الطب طويلة
عهود: انزين حاول تيي للعرس
مايد: ان شالله اول ما اتخرج ..فورا من حفلة التخرج للمطار .. ما بقى فيني صبر
عهود: ههههههههههههه.. حشى ..من الحفلة عاد
مايد: ههههههههههههه
مايد دخل عليه ربيعه خالد: مايد يالله تعال بنسير بنتدرب ع البرزنتيشن
مايد: اقول عهود سلمي ع الاهل كلهم و باركي لليال .. بسير ألحين مشغول
عهود: ان شالله يوصل
مايد: في حفظ الله
عهود: مع السلامة .
.................................................. ..................
في المغرب...
ابو ليال : ليال ..يالله البسي عباتج و يالله بنسير نجوف الكوشة
ليال : يالله انزين بخبر ريم و بيي
ابو ليال : اترياكم برع.
ليال : اوكي
...................................
ليال: ريم يالله بنسير.
ريم : يالله انا جاهزة
جنى : ليال .. انا ابى اثير
ليال : لاااا نسيت اقول لأمي تاخذ جنو وياها .. يا الله
جنى : انا بثير مع ليال مابى اثير مع ماما
ريم: جنى حبيبتي يلسي هني العبي في الحديقة ويا صقور
جنى : لا ما ابى
ليال : جنوو بزعل عنج
جنو : ما ابى ما ابى .:. ابى اثير مع ليال
ليال: و انا قلت لأ يعني لأ
جنى بدت تصيح و الدموع اربع اربع
ليال: آآآآآآه خلاص لا تصيحين ( و حضنتها ) يالله تعالي بس بدون شطانة اوكي
جنى ضحكت : اوكيييي
.................................................. .............
حمد: ياا سلااام .. الكل طلع من البيت الا حضرتنا .. حتى اخوك راشد طلع ويا ربعه
فهد: انزين حد ميودك .. اطلع ياخي .
حمد: شو رايك نطلع البحر ويا الشباب و نشوي هناك؟
فهد: برايك اطلع انت انا ما بطلع
حمد: فهود بلاك ياخي .. مو على بعضك
فهد: ما فيني شي
حمد: اووه هالكلام مو علي .. اللي ماخذ عقلك يتهنا فيه
فهد: هه طع هذا
حمد: ادري شو فيك
فهد: شو في يعني؟
حمد: فهوود لا تطولها و هي قصيرة ..
فهد: اف ياخي بصراحة انا بعد ابى املج
حمد: انزين عادي كلم ابوي و خلاص .. ليش تصعب القصة .. خطيبتك ريم جاهزة
فهد: بس نحن اتفقنا يوم خطبنا اختك انا نسوي حفلة الملجة بعد التخرج
حمد: انزين هانت على هالسنة بتكون تخرجت
فهد: و الله ما في صبر
حمد: اووه الحب عامي عيونك
فهد: اقولك قوم لا افلعك الحين .. بنشوف شو بتسوي اذا حبيت و خطبت
حمد: هههههههههههههههههه يوم احب يصير خير..
فهد: و الله انت و اخوك مايد نفس الطينة
حمد: لا عاد زودتها .. مايد هذا .. ما يعرف شي غبر دراسته و بس .. ما يفكر يحب حتى و لا يعرف للحب معنى.. يحليلها امي كل ما تلاقيله بنت .. يقولها انا ما افكر في الزواج مع انه كل البنات يتمنونه.. و هو ما تعيبه و لا وحدة
فهد: الله يعينكم عليه شكلكم ما بتشوفون عياله الا و الشيب في راسه
حمد فلع المخدة على ويه فهد: فال الله و لا فالك
( ههههههههههههههههههههههههههههههههههههههههههههههههه )
.................................................. ..............................
في اليوم الثاني الصبح الساعة 10 االصبح وصلت ام افتكار..
ليال : جنو يالله تعالي بننزل تحت تيتا ألحين بالطريج ويا ماماتي
جنى : تيتا يت ؟
ليال و هي تلبس جنى ملابسها و تمشط شعرها : هيه حبيبتي
جنى : انا ابي آكل يوعانة
ليال: انزين حبيبتي يوم تيي تيتا ألحين كلنا بنتريق
جنى: بث انا ألحين أبي الحليب
ليال: يالله اوكي تعالي المطبخ بسويلج حليب
.................................................. ..........................
و بعد شوي ...
الجرس يرن ...
ليال : ماري افتحي الباب.
....
ليال: يدتييي حبيبتي ( و حضنتها )
الجدة : تعي حبيبتي .. يا روح ستك انتي .. كيفك حبيبتي؟
ليال : كتير منيحة انتي كيفك؟
الجدة : لما بشوفكم بصير متل الحصان..
ابو ليال و هو يبتسم : ليال .. ناوية تخلين يدتج عند الباب ..
ليال : ههههههه تفضلوا تفضلوا
الجدة : و الله صايرة صبية.
ام ليال : و الله يما من لما كان عمرها 5 سنين و انتي نفس الجملة تقولينها.
الجدة: ههههههههههههههههههههه .. وينها جنى
ليال: تشرب حليبها .. ألحين بييبها لج
جنى: أنا يييييييت
الجدة: يا عمرييييي تعي حبيبتي .. لك يخزي العين شو كبرانة
ابو ليال : صايرة صبية ..
( هههههههههههههههههههههههههههههههههههههههههههه )
.................................................. .......................................
مر اسبوع و في يوم الملجة .. كانت ليال من احلى بنات الدنيا .. بعيونها الملونة طبيعي و شعرها الحلو و فستانها الروعة ..و كان عبدالله يقول في خاطره :" شي خيالي ، احلى الكئنات بتصيير زوجتي "
بعد الملجة ابو ليال سمحلها تطلع وياه بس من الساعة الفلانية للساعة الفلانية .. خلال فترة الملجة .. عاشوا احلى لحظات في حياتهم .. مثل قصص الافلام الرومانسية ..
..
عبدالله يتصل على ليال : هلا.. هلا بالصوت الحلو
ليال : اهلين
عبدالله: اشحال حبيبتي
ليال احمرت و استحت .. تمت ساكتة
عبدالله: الو
ليال : وياك
عبدالله : يا حلو اللي يستحي
ليال : اشحالك عبدالله؟
عبدالله : حد يسمع صوتج و ما يكون بخير .. انتي اشحالج
ليال : حمدلله يسرك الحال
عبدالله: يالله انتي جاهزة؟
ليال : وين؟
عبدالله: نسيتي ان اليوم اجازة و مصرح لي اني اطلع وياج؟
ليال: لا ما نسيت بس ..
عبدالله: لا بس و لا شي .. يالله قومي تجهزي و يالله انا اترياج باخذج نتمشى و نتعشى في احلى مطعم في دبي
ليال: انزين بخبر اهلي و بتجهز
.................................................. .........................
و في بيت بو مايد ....
ريم توها متسبحة و فالة شعرها و كاسة الحليب في يدها ..
عهود: شو ريم .. ليش تسبحتي ؟ بترقدين و لا شو؟ توها الساعة 8
ريم : لا طبعا ما برقد بس حسيت بالملل ..قلت اقوم اتسبح و احس بالنشاط
عهود: طبعا توأم روحج خلاص .. شافت غيرج
ريم : اقول اسكتي يالله ..
عهود: ههههههههههههه لازم تتعودين .. هذي بس ملجة .. و بعد شهر العرس
ريم: آآآخ عادي بتظل ليال ربيعتي و توأم روحي
عهود: خخخخخ مسويتلي فلم هندي .. و ظلت ليال الصديقة الوفية و الغالية على مر السنين .. النهاية
ريم: هههههههههههههههههههه و الله انتي مينونة و ما عندج سالفة
عهود: قومي نطالع فلم رعب
ريم: عندج؟
عهود: هيه و يخوف واايد مكتوب عليه لا تراه بمفردك
ريم : يالله اوكي اطلعي شغليه و انا الحين ياية
عهود: بالاول بسير بييب بيبسي و فراخ حقي و حقج
ريم : هههه يالله زين .. و الله عايشة الجو الاخت
عهود: هههههههههههههههههههه على كيفي
.................................................. .........................
فهد يتصل على حمد..
فهد: هذا اشفيه ما يرد؟ خلني اتصل على رشود..
راشد: هلا فهد
فهد: راشد.. وين اخوك حمد .. قالي يوم تيي تحت بيتنا دق علي و الحين ما يرد علي منقعني في السيارة
راشد: يعني ما تعرف مواعيد حمد اخوي المفروض يوم قالك تعال الحين كان المفروض تيي بعد نص ساعة عشان تحصله جاهز
فهد: يعني بيطول ؟
راشد: يمكن .. انت تعال ادخل بنلعب قيم في الكرة في السوني
فهد: لا و الله مو متفيج
راشد: يالله عاد احسن من انتظارك برع .. يمكن يطول
فهد : خلاص اوكي .
.................................................. ..................
عهود: ريم يالله انا بطلع الحجرة .. الحقققيني
ريم : اوكي بييب موبايلي من الصالة
.................................................. ......
دخلت ريم بتييب موبايها من الصالة و كان فهد داخل للصالة .. صدمت فيه و طاح موبايلها
و اول ما شافته شهقت و بلعت ريجها .. و احمر ويهها واااايد
فهد مستااااانس انه شافها : ريم
ريم استحت ما عندها حتى شيلة تغطي شعرها .. خذت موبايلها و طلعت
.................................................. .........................................
و اخيرا نزل حمد بعد نص ساعة ...
حمد: اشحالك فهد؟
فهد: احسن من حالك؟
حمد: و الله سف اخرتك
فهد و هو مستاانس : ليتك كل يوم تأخرني
حمد مستغرب: اوووه .. الريال مستانس اليوم شو اللي صاير
فهد: و لا شي .. بس و الله اني احبك يا حمد
حمد : شكله حرارتك مرتفعة اليوم
فهد: يالله يالله تعال بنلحق على الفلم الياي .. طافنا العرض الاول






القصة بعدها ما بدأت هذي كلها بدايات .. بس اذا عيبتكم بكملها ..
شو المفاجأة اللي بتصير للكل و بتغير حياتهم فوق تحت و شو بيكون أثرها على ليال؟

شكرااااااااااااااااااااااااااااااااااااااااااااااا

شكرا الك موضوع رائع بالفعل