ياضامي أنا أضمى ومتشبع حروق
وإذاك ضامي للمواصل أنا أهلك
أهلك وقف في وجهي الأصل والذوق
والمجتمع والعرف والفقر وأهلك
متعومس وحزن النبلاء مرموق
يعني لو أحتاج لك ماجيتك أسألك
يللي على نفسي وأعاتبك برفوق
وأقوللك ودي ماعاد أتأملك
من دوره الأيام ياأسوم مخنوق
الوقت مشاني من السلك للسلك
أزل خطوه بس ماأزل من طوق
ولو صارت أبا أحب خشمك وأجاملك
يبقى البني آدم مجرد ومخلوق
ملك ولكن في الحقيقه بلا ملك
والناس عوق الناس والدرب مسبوق
تتعب على أشياء في الأخر ماهي بلك
الشوق ماهو رعشه وقضبه عروق
وماهو اللي شينك بعينك يجملك
وماهو شعور يخالج الروح برفوق
وماهو سحر ولا أدري والله شقوللك
كأنه سحابه حلم وتطير بك فوق
وتطير ولا ودك أنها أتنزلك
الشوق هذا والا أنا شو قي البوق
ماقد حصل في شو ق هذي
ولا تلك
تدري وش أسو ي أذا أظناني الشوق
أسوي بعيوني كذا وأتخيلك
وأقربك وأتوق وأتوق وأتوق
وأكثرك وأحلف ماعاد أقللك
وأصورك في الموق وتكبر على الموق
وتطيح مع دمعي على إيدي وأقبلك
هذا غلاي اللي مع الدم مدقوق
ولاعاد تسألني عن شعوري بزعلك
محبه ماهي بطارف السو ق
لوأنك تؤكل كان والله لأكلك
جيتك حقوق ورحت ماعندي حقوق
وأن قلت ما أحبك أبجحد مواصلك
أحبك ألأ يابري حالي
من كثر ماأحبك أخاف أني أقولك